Астанадағы Қазақ елі монументі алаңында Отан қорғаушылар күніне арналған плац-концерт өтті. Бұл жолғы шара әдеттегіден мүлде бөлек болды.
Салтанатты шеруге әскери қызметшілер мен курсанттар қатысты. Олар әскери техника мен заманауи қару-жарақ үлгілерін көрсетті, деп хабарлайды Zhaiyqmedia.kz ақпарат агенттігі.
Ең қызықты сәт – Unitree роботының биі болды. Робот әскери маршты орындап, көрермендердің ыстық ықыласына бөленді.
Бұл – әскери-патриоттық тәрбие мен технологияны ұштастырған бірегей шара. Жастардың қызығушылығын арттыру маңызды, – деді Қорғаныс министрлігінің өкілі.
Шоу барысында әскери оркестрдің сүйемелдеуімен сарбаздар түрлі тактикалық көріністерді орындады. Аспанда әскери тікұшақтар ұшып өтті.
Мерекелік шараға мыңдаған астаналықтар жиналды. Ұйымдастырушылар бұл форматты дәстүрге айналдыруды жоспарлап отыр.
