Қызылордада кезекке тұрмай, дәрігерге жұдырық ала жүгірген әйелдің бостандығы бір жылға шектелді, деп хабарлайды Zhaiyqmedia ақпарат агенттігі.
Іс материалына сәйкес, сотталушы дәрігердің қабылдау бөлмесіне кіріп, кезекті сақтауды сұраған медицина қызметкеріне тап берген. Ол дәрігердің жағасынан алып, жұдырықпен ұрған.
«Сотталушыға бір жыл мерзімге бас бостандығын шектеу жазасы тағайындалды», — деп хабарлады қалалық №2 соттың баспасөз қызметі.
Әйел Қазақстан Республикасы Қылмыстық кодексінің 108-1-бабы, 2-бөлігі, 2-тармағы («Денсаулыққа қасақана жеңіл зиян келтіру») бойынша кінәлі деп танылды.
