Алдағы күндері Қазақстан аумағының басым бөлігіне солтүстік-батыстан келетін суық антициклон әсер етеді, салдарынан ауа температурасы күрт төмендейді, деп хабарлайды Zhaiyqmedia ақпарат агенттігі.
«Қазгидромет» РМК мамандарының болжамы бойынша, 24-26 ақпан аралығында арктикалық суық ауа массаларының енуіне байланысты жауын-шашын тоқтап, аяз күшейеді. Жауын-шашын негізінен еліміздің оңтүстік өңірлерінде ғана сақталады. Онда да кей жерлерде жаңбыр нөсерлеп жаууы мүмкін. Сондай-ақ желдің күшеюі, тұман түсуі және көктайғақ сияқты құбылыстар күтіледі.
Түнгі уақытта ауа температурасы былайша өзгереді:
• батыс өңірлерде — 15-25 градус аяз;
• солтүстік пен орталықта — 28-37 градус аяз;
• шығыста — 32-40 градусқа дейін суық;
• оңтүстікте — 0-ден 10 градусқа дейін аяз болады.
Фото: pexels.com
