Қасиетті Рамазан айының аяқталуын білдіретін Ораза айт мерекесі биыл 10 сәуірге сәйкес келеді. Осыған орай, Қазақстан мұсылмандары діни басқармасы еліміздің барлық өңірі үшін айт намазының уақытын бекітті, деп хабарлайды Zhaiyqmedia ақпарат агенттігі.
Діни басқарманың мәліметінше, мерекелік намаз әр қалада таңның атуына байланысты әртүрлі уақытта оқылады. Мысалы, елордада және Алматыда айт намазы таңғы сағат 06:30-да басталады.
Еліміздің басқа қалаларындағы Ораза айт намазының кестесі (жергілікті уақыт бойынша):
• Ақтөбе – 07:00;
• Атырау – 07:00;
• Орал – 07:30;
• Ақтау – 07:30;
• Шымкент – 07:00;
• Түркістан – 07:00;
• Тараз – 07:00;
• Қызылорда – 07:00;
• Қарағанды – 06:30;
• Өскемен – 06:30;
• Семей – 06:30;
• Павлодар – 06:30;
• Қостанай – 07:00;
• Көкшетау – 06:40;
• Петропавл – 06:50;
• Талдықорған – 06:30.
Діни басқарма мұсылмандарды айт күні таңертең ерте тұрып, ғұсыл алып, таза киім киіп, мешітке хош иіс сеуіп баруға шақырады. Сондай-ақ мереке күні мұқтаж жандарға көмек көрсетіп, туған-туысты аралап, бір-бірін мерекемен құттықтау – сауапты іс саналады.
Фото: Әлеуметтік желіден
