Сурет: fifa.com
Футболдан 2026 жылғы әлем чемпионатының 1/8 финалында Аргентина мен Мысыр арасындағы кездесуде жеңіс аргентиналықтарға бұйырды, деп хабарлайды Zhaiyqmedia.kz ақпарат агенттігі.
Ойынның алғашқы минуттарынан бастап екі құрама да шабуылға ұмтылды. 2022 жылғы әлем чемпионы Аргентина тез арада гол соғуды көздегенімен, 15-минутта мысырлық Яссер Ибрахим есеп ашты. Төрт минуттан кейін африкалық құрама қақпасына пенальти белгіленіп, Аргентина капитаны Лионель Месси оны орындауға мүмкіндік алды. Алайда оның соққысын египеттік қақпашы Мостафа Шобейр қайтарды. Бұл Мессидің биылғы әлем чемпионатында екінші рет пенальтиден гол соға алмауы еді, алғашқысы топтық кезеңде Аустриямен ойында болған.
Бірінші кезеңде Аргентина есепті теңестіруге тырысқанымен, сәтсіз аяқталды. Екінші кезеңде екі құрама да гол соғу мүмкіндіктерін арттырды. 58-минутта Мостафа Зико гол соққанымен, төреші бұған дейін тәртіп бұзылғанын айтып, есепке алмады. Алайда 67-минутта ол тағы да гол соғып, Мысырды екі доп айырмасымен алға шығарды.
Аргентина шабуылын күшейтіп, 79-минутта Кристиан Ромеро, 84-минутта Лионель Месси есепті теңестірді. Мессидің бұл голы биылғы әлем чемпионатындағы сегізінші, ал жалпы әлем чемпионаттарындағы 21-ші голы болды. 92-минутта Энцо Фернандес Аргентинаны алға шығарып, ойын 3:2 есебімен аяқталды.
Аргентина ширек финалда 12 шілдеде Швейцария мен Колумбия арасындағы жеңімпазбен кездеседі. Сондай-ақ ширек финалда Франция — Марокко, Испания — Бельгия, Норвегия — Англия жұптары сынға түседі.
