Сурет: istockphoto.com
Еуропалық комиссия Арменияға 50 миллион еуродан асатын шұғыл қолдау пакетін әзірлеп жатыр. Бұл туралы Еурокомиссия төрайымы Урсула фон дер Ляйен Армения премьер-министрі Никол Пашинянмен сөйлескеннен кейін мәлімдеді, деп хабарлайды Zhaiyqmedia.kz ақпарат агенттігі.
«Армения өнімдеріне қатысты экспорттық шектеулерді ұзарту арқылы Мәскеу экономикалық қатынастарды саяси қысым көрсету құралы ретінде пайдаланып отыр. Бұл тәсіл бізге жақсы таныс. Сондықтан Еуропа Арменияны нық қолдайды. Біз Еуроодақтың қолдау пакетін әзірлеп жатырмыз», — деді фон дер Ляйен.
Сонымен қатар, Еуропа бұған дейін Ресей шектеу қойған армян тауарлары үшін өз нарығын айқара ашпақ. 30 мамырдан бастап Ресейдің ауыл шаруашылығын қадағалау қызметі Армениядан қызанақ, қияр, бұрыш, көкөніс шөптері мен құлпынай импортын шектеді. Ал 22 мамырдан бастап гүл өнімдерін әкелуге тыйым салған.
