Сурет: Ашық дереккөз
ҰҚК Шекара қызметі 2026 жылғы мамырда құзырлы органдармен бірлесіп, Қазақстан заңнамасын бұзған 3 881 адамды ұстады, оның 1 125-і шетел азаматтары, деп хабарлайды Zhaiyqmedia.kz ақпарат агенттігі.
Ведомствоның мәліметінше, есепті кезеңде мемлекеттік шекара арқылы тауарлар мен жүктерді заңсыз өткізудің 1 180 фактісінің жолы кесілген. Каспий су айдынында заңсыз балық аулаудың 12 фактісі анықталып, браконьерлік құралдар мен бекіре тұқымдас балықтар тәркіленді. Мемлекетке келтірілген шығын шамамен 210 млн теңгеден асады.
Аталған құқық бұзушылықтар бойынша Шекара қызметі 62 қылмыстық іс қозғап, қазір тергеу шаралары жүргізілуде. Қалған фактілер бойынша материалдар процессуалдық шешім қабылдану үшін құқық қорғау және сот органдарына жіберілді.
