Сурет: Egemen Qazaqstan
Қазақстандағы сақтандыру төлемдерінің көлемі айтарлықтай өсті, деп хабарлайды Zhaiyqmedia.kz ақпарат агенттігі.
Қазақстанның сақтандыру компаниялары 2026 жылдың басынан бері клиенттеріне 160,4 млрд теңге төлеген. Бұл өткен жылдың осы кезеңімен салыстырғанда 21,6%-ға көп. Мұндай мәліметті Қазақстан Республикасының Қаржы нарығын реттеу және дамыту агенттігі жариялады.
Төлемдер көлемінің өсуіне қарамастан, сәуір айы сақтандыру саласы үшін шығынмен аяқталды. Ай қорытындысы бойынша сақтандыру нарығының жиынтық шығыны 2,1 млрд теңгені құрады.
Сонымен қатар, жыл басынан бері сақтандыру ұйымдары оң қаржылық нәтижені сақтап отыр. Осы кезеңде олардың таза пайдасы 29,7 млрд теңгеге жетті.
