Қазақстан Президенті Қасым-Жомарт Тоқаев әскерде қаза болған жас сарбаздардың ата-аналарынан түскен арыз-шағымдарды қарауды Бас прокурорға жүктеді. Мемлекет басшысы тергеу барысында заң нормаларының толық сақталуын қадағалауды міндеттеді.
Тапсырма бойынша Бас прокуратура 12 күн ішінде барлық арыздарды қарастырып, нақты шешім шығару керек. Бұл шара әскердегі оқиғаларға байланысты қоғамда туындаған алаңдаушылықты ескере отырып қабылданды.
Сарбаздардың ата-аналары мен қоғам белсенділері әділ тергеу жүргізуді талап етіп, кінәлілердің жазалануы қажет екенін бірнеше рет айтып келген. Енді іс бойынша жауапкершілік Бас прокуратура мен әскери органдардың бақылауына өтеді.
Сурет: Ақорда
