Сурет: Mehr News
Иран 14 маусымда АҚШ-пен соғысты реттеу үдерісін бастау туралы бірлескен меморандумға қол қоюдан бас тартты. Бұл туралы Иран Сыртқы істер министрлігінің ресми өкілі Эсмаил Багаи мәлімдеді, деп хабарлайды Zhaiyqmedia.kz ақпарат агенттігі.
Бұған дейін АҚШ президенті Дональд Трамп мұндай мүмкіндікті жоққа шығармаған еді. Айта кетейік, 14 маусымда Трамптың 80 жасқа толған туған күні атап өтіледі.
Өзара түсіністік туралы меморандумға қол қоюдың нақты күніне қатысты әзірге күте тұрған жөн. Бұл ертең болмайды, бірақ келісімнің жақын күндері жасалуы мүмкін екенін жоққа шығаруға болмайды. Дегенмен қарсы тараптың тұрақсыздығын ескере отырып, бұл үдеріске қатысты кез келген мәлімдемеде сақ болуымыз қажет, – деп келтіреді Иранның Tasnim ақпарат агенттігі Багаидің сөзін.
Багаидің айтуынша, құжат әскери іс-қимылдарды тоқтатуға негіз болуы тиіс. Алайда бұл кезеңде Иранның ядролық бағдарламасы мәселесі талқыланбайды.
Бұған дейін Иранның Сыртқы істер министрі Аббас Арагчи АҚШ-пен Ирандағы әскери іс-қимылдарды тоқтату туралы келісім жасасу жақын екенін және онда Ормуз бұғазының ашылуы қарастырылатынын мәлімдеген болатын. Оның сөзінше, Иранның ядролық бағдарламасына қатысты келіссөздер кейінірек басталады.
