Алматы тұрғындары Абдулла Розыбакиев көшесінің атауын өзгертуді ұсынып отыр. Олар бұл көшеге Халық жазушысы, Қазақстанның Еңбек Ері Мұхтар Шахановтың есімін беруді қолдайды, деп хабарлайды Zhaiyqmedia.kz ақпарат агенттігі.
Ұсыныс қалалық мәслихаттың комиссиясына түскен. Қоғам белсенділері ақынның қазақ әдебиеті мен мәдениетіне қосқан үлесін ерекше атап өтті.
«Мұхтар Шаханов – ұлттық руханияттың көшбасшысы. Оның есімін мәңгілікке қалдыру – біздің парызымыз», – дейді бастамашылар.
Қазіргі таңда комиссия ұсынысты қарап жатыр. Шешім жақын арада жарияланады.
