Сурет: Egemen Qazaqstan
Астанада көліктегі газ баллонының жарылуынан зардап шеккен адам көз жұмды. Бұл туралы қалалық Қоғамдық денсаулық сақтау басқармасы мәлімдеді, деп хабарлайды Zhaiyqmedia.kz ақпарат агенттігі.
Елорданың Сарайшық ауданындағы Қасым Аманжолов көшесінде автокөлікте газ баллоны жарылған еді. Жарылыстан кейін көлік толықтай өртеніп, маңындағы бірнеше автокөлікке де зақым келді.
Зардап шеккендердің бірі денесінің 90–95 пайызы күйіп, №1 көпбейінді қалалық ауруханаға жеткізілген. Дәрігерлердің барлық күш-жігеріне қарамастан, науқас алған ауыр жарақаттарынан қайтыс болды. Оқиғаның себептері анықталып жатыр, тергеу жалғасуда.
