Сурет: istockphoto.com
KEGOC Үкіметке Ұлттық электр желісінің даму жоспарын ұсынды. 2035 жылға дейін 7 мың шақырымнан астам жаңа электр желісі салынбақ, деп хабарлайды Zhaiyqmedia.kz ақпарат агенттігі.
Бұл жоба елдің энергетикалық қауіпсіздігін нығайтуға және жаңа өндірістерді қосуға мүмкіндік береді. Жаңа желілер негізінен өнеркәсіптік аймақтар мен ірі қалаларды қамтиды.
KEGOC мамандары жобаны іске асыру үшін 1,5 триллион теңге инвестиция қажет екенін айтады. Бұл қаражат мемлекеттік бюджет және жеке инвесторлар есебінен тартылмақ.
«Жаңа электр желілері еліміздің энергия жүйесінің сенімділігін арттырып, тұтынушылардың сұранысын толық қанағаттандырады», — деді KEGOC өкілі.
Жоба аясында ескірген желілер де жаңартылады. Нәтижесінде электр қуатын жоғалту көрсеткіші 5 пайызға төмендейді деп күтілуде.
