Алматыда бір мектептің оқушысы сабаққа балта алып келген. Полиция қызметкерлері оқиғаның алдын алып, қауіптің бетін қайтарды, деп хабарлайды Zhaiyqmedia.kz ақпарат агенттігі.
Қалалық полиция департаментінің мәліметінше, оқушы қыз мектепке балтаны рюкзагында жасырып әкелген. Қауіпсіздік қызметі күдікті затты байқап, дереу полицияға хабар берген.
«Қазіргі уақытта қызбен және оның ата-анасымен әңгіме жүргізіліп жатыр. Оқиғаның мән-жайы анықталып жатыр», — деді полиция өкілі.
Бұл оқиға мектептегі қауіпсіздік шараларын күшейту қажеттігін тағы бір рет еске салды. Полиция ата-аналарды балаларының жүріс-тұрысына мұқият болуға шақырады.
