Қасым-Жомарт Тоқаев пен Владимир Путин екіжақты күн тәртібіндегі түйткілді мәселелерді талқылады. Кездесу барысында Ресей Президентінің Қазақстанға жасайтын сапарының мазмұны нақтыланды, деп хабарлайды Zhaiyqmedia.kz ақпарат агенттігі.
Мемлекет басшылары сауда-экономикалық ынтымақтастықты нығайтуға ерекше мән берді. Екі ел арасындағы тауар айналымын арттыру және бірлескен жобаларды ілгерілету жолдары қарастырылды.
Кездесу барысында аймақтық қауіпсіздік пен халықаралық ұйымдар аясындағы өзара іс-қимыл да назардан тыс қалмады.
Тараптар бұдан әрі диалогты жалғастыруға уағдаласты. Алдағы уақытта Путиннің Қазақстанға ресми сапарының нақты күні жарияланбақ.
