Астаналық оқушылар Ұлыбританияда өткен халықаралық робототехника чемпионатында жеңіске жетті. Бұл туралы қалалық білім басқармасы хабарлады, деп хабарлайды Zhaiyqmedia.kz ақпарат агенттігі.
Жарыс Харрогейт қаласындағы UK First Lego League Championship аясында өтті. Оған әлемнің 20-дан астам елінен 100-ге жуық команда қатысты.
Астананың «Robo Tech» лицейінің оқушылары өз жобаларымен қазылар алқасын тәнті етті. Жеткіншектер экологиялық мәселелерді шешуге арналған робот ұсынды.
«Біздің команда үш ай бойы дайындалды. Жеңіс – үлкен еңбектің жемісі. Балалардың таланты мен табандылығы зор», – деді жетекшісі Нұрлан Серікқалиев.
Жеңімпаздарға кубоктар мен арнайы сертификаттар табысталды. Енді олар халықаралық ғылыми жобаларға қатысу мүмкіндігіне ие болды.
