Сурет: fifa.com
Парагвай құрамасы 2026 жылғы футболдан әлем чемпионатының 1/16 финалында Германияны пенальти сериясында жеңіп, келесі кезеңге өтті, деп хабарлайды Zhaiyqmedia.kz ақпарат агенттігі.
АҚШ-тың Фоксборо қаласындағы «Джилетт» стадионында өткен матчтың негізгі уақыты 1:1 есебімен аяқталды. 42-минутта Хулио Энсисо Парагвайды алға шығарса, 54-минутта Кай Хаверц Флориан Вирцтің пасынан баспен соққы жасап, есепті теңестірді.
Қосымша уақытта Германия 102-минутта Джонатан Та бұрыштамадан кейін гол соққанымен, VAR жүйесі қақпашыға қарсы ереже бұзылғанын анықтап, гол есепке алынбады.
Овертаймда жеңімпаз анықталмаған соң, матч тағдыры пенальтилер сериясында шешілді. Онда Парагвай 4:3 есебімен басым түсіп, 1/8 финалға жолдама алды.
Енді Парагвай 1/8 финалда Франция мен Швеция арасындағы кездесудің жеңімпазымен ойнайды.
