Сурет: Egemen Qazaqstan
Еліміздің барлық онкологиялық орталықтарында онкоурологиялық аурулардың алдын алу және ерте анықтау мақсатында Бірыңғай ашық есік күні өтті, деп хабарлайды Zhaiyqmedia.kz ақпарат агенттігі.
Уақтылы диагностиканың арқасында акцияға қатысушылардың арасында 30 қатерлі ісік жағдайы (оның ішінде күдікті жағдайлар), 43 обырға дейінгі жағдай және 287 өзге ауру анықталды. Бұл аурулар әрі қарай бақылауды, қосымша тексеруді немесе емдеуді қажет етеді.
Аталған күні тұрғындар онкоурологтар мен бейінді мамандардан тегін консультация алып, профилактикалық тексеруден және қажетті диагностикалық зерттеулерден өтті. Акция қорытындысы бойынша 579 адам мамандардың консультациясын алды. Барлығы 386 диагностикалық зерттеу жүргізілді, оның ішінде 14 төмен дозалы компьютерлік томография жасалды.
Акция халықтың қауіп факторлары, алдын алу шаралары және уақтылы диагностиканың маңыздылығы туралы хабардарлығын арттыруға бағытталған республикалық ақпараттық науқан шеңберінде ұйымдастырылды. Бірыңғай ашық есік күні профилактикалық тексерулердің жоғары тиімділігін тағы бір мәрте дәлелдеді.
