Сурет: Egemen Qazaqstan
Ресейдің Ростов-на-Дону қаласында көпқабатты үйдің жанындағы қоқыс жәшігінен жаңа туған нәрестенің мәйіті табылды. Полиция тергеу жұмыстарын бастады, деп хабарлайды Zhaiyqmedia.kz ақпарат агенттігі.
Ресей Федерациясының Ростов облысы бойынша Тергеу комитетінің мәліметінше, мәйіт 16 маусымда табылған. Алдын ала деректер бойынша, мәйіттен зорлық-зомбылық белгілері анықталмаған.
Аталған факті бойынша қылмыстық іс қозғалды. Тергеушілер оқиғаның барлық мән-жайын анықтап жатыр. Баланың нақты неден көз жұмғанын анықтау үшін сот-медициналық сараптама тағайындалды.
Ростов облысының прокуратурасы тергеу барысын бақылауға алғанын мәлімдеді. Қадағалау органы істің жан-жақты әрі толық зерттелуін бақылайтын болады.
