Мемлекет басшысы Қасым-Жомарт Тоқаев Кения Президенті Уильям Рутомен шағын құрамда келіссөз жүргізді, деп хабарлайды Zhaiyqmedia.kz ақпарат агенттігі.
Президент Тоқаев Кения басшысына іскер топтардан құралған делегациямен келгені үшін алғыс айтты. Тараптар екіжақты ынтымақтастықты нығайту мәселелерін талқылады.
«Сіздің сапарыңыз – екі ел арасындағы байланыстың жаңа деңгейге көтерілгенін көрсетеді», – деді Қасым-Жомарт Тоқаев.
Келіссөздерде сауда-экономикалық қатынастарды дамытуға ерекше назар аударылды. Кения президенті Қазақстанмен инвестициялық жобаларды жүзеге асыруға ниетті екенін жеткізді.
