Жапонияның ауылдық аймақтарында фермерлер енді аюлардан қорықпайды. Оларға көмекке робот-қасқырлар келді. Бұл роботтар жабайы жануарларды үркітіп, егінді қорғайды, деп хабарлайды Zhaiyqmedia.kz ақпарат агенттігі.
Робот-қасқырлар нағыз қасқырға ұқсайды. Олардың көздері қызыл жарқылдап, денесі қозғалады. Тіпті дыбыс шығарып, аюларды қорқытады. Жапонияда бұл роботтардың тиімділігі дәлелденген.
«Бұрын аюлар жиі келіп, егінді бүлдіретін. Енді роботтарды қойғаннан бері бірде-бір аю көрінбеді», — дейді жергілікті фермер.
Робот-қасқырлар күн энергиясымен жұмыс істейді. Оларды орнату оңай және қызмет көрсету қымбат емес. Қазіргі уақытта жапондық фермерлер бұл технологияны белсенді қолданып жатыр.
