Мемлекет басшысы Қасым-Жомарт Тоқаевтың туған күніне орай шет елдердің басшылары мен халықаралық ұйымдардың өкілдері құттықтау жолдады, деп хабарлайды Zhaiyqmedia.kz ақпарат агенттігі.
Президенттің мерейтойына байланысты әлемнің түкпір-түкпірінен жылы лебіздер келіп түсті. Шетелдік әріптестер екіжақты қарым-қатынастардың дамуына қосқан үлесін атап өтіп, Қазақстанның халықаралық беделінің артуын тілге тиек етті.
«Құрметті Қасым-Жомарт Кемелұлы! Сіздің тәуелсіз Қазақстанды нығайтудағы көшбасшылығыңыз бен еліміздің әлемдік аренадағы орнын көтерудегі ерен еңбегіңіз ерекше құрметке ие», – делінген құттықтаулардың бірінде.
Құттықтаулардың қатарында Ресей, Қытай, Түркия, Өзбекстан және басқа да мемлекеттердің басшылары бар. Сондай-ақ, БҰҰ, ЕҚЫҰ және басқа халықаралық ұйымдардың өкілдері де Президентке ізгі тілектерін білдірді.
