Сурет: versiya.info
Пәкістанның оңтүстік-батысындағы Белуджистан провинциясында жағалау күзетінің бақылау-өткізу бекетіне жасалған шабуылдан төрт қауіпсіздік қызметкері қаза тауып, тағы 16 адам жараланды, деп хабарлайды Zhaiyqmedia.kz ақпарат агенттігі.
Шабуыл жұма күні жергілікті уақытпен сағат 18:40-та болған. Жарылғыш зат тиелген жүк көлігі Гвадар округінің Дживани қаласындағы бекетке соғылған. Қуатты жарылыс салдарынан бекет ғимараты қирап, Пәкістан жағалау күзетінің үш қызметкері мен бір әскери қызметкер оқиға орнында қаза тапты.
Жараланған 16 қауіпсіздік қызметкерінің сегізі әскери, қалғаны жағалау күзетінің қызметкері. Олардың бірнешеуінің жағдайы ауыр деп бағалануда.
