Сурет: Egemen Qazaqstan
Мадридтік «Реал» португалиялық жартылай қорғаушы Бернарду Силвамен келісімшартқа қол қойғанын ресми түрде хабарлады, деп хабарлайды Zhaiyqmedia.kz ақпарат агенттігі.
Тараптар арасындағы келісім 2028 жылдың жазына дейін жасалған. 31 жастағы футболшы «Реал» сапына еркін агент мәртебесінде қосылып, мадридтік клубқа тегін ауысты.
Бернарду Силва соңғы жылдары Еуропадағы ең тұрақты әрі тәжірибелі жартылай қорғаушылардың бірі ретінде танылды. Оның трансферіне бірнеше ірі клуб қызығушылық танытқан болатын.
БАҚ мәліметінше, португалиялық ойыншыны өз қатарына қосуды «Барселона» мен «Атлетико» да қалаған. Алайда футболшы таңдауды «Реал» пайдасына шешті.
Жаңа маусымда Бернарду Силва мадридтік клубтың жартылай қорғаныс шебін күшейтіп, команданың басты мақсаттарына жетуіне көмектесуге тырысады.
