Ішкі істер министрлігі танымал комик Нұрлан Сабыровқа қатысты қылмыстық іс қозғалмағанын ресми түрде мәлімдеді. Бұған дейін әлеуметтік желіде оның ресейлік «Вагнер» жеке әскери компаниясына көмектескені туралы ақпарат тараған еді, деп хабарлайды Zhaiyqmedia ақпарат агенттігі.
Әлеуметтік желілерде Нұрлан Сабыровтың «Вагнер» тобына мотоцикл сыйлап, сол арқылы қарулы топқа жәрдемдескені туралы ақпарат қызу талқыланған болатын. Бұл жағдай қоғамда үлкен резонанс тудырып, тіпті Ұлттық қауіпсіздік комитеті аталған дерек бойынша тексеру жұмыстарын бастағаны да хабарланған.
Алайда Ішкі істер министрлігі бұл ақпаратты жоққа шығарды.
«Нұрлан Сабыровқа қатысты ешқандай қылмыстық іс тіркелген жоқ», — деп хабарлады ведомствоның баспасөз қызметі.
Министрлік бұл мәселеге қатысты басқа ақпарат берген жоқ.
Фото: Әлеуметтік желіден
