Премьер-министр Олжас Бектенов Дүниежүзілік банк сарапшыларымен кездесіп, Қазақстанға инвестиция ағынын арттыру жолдарын қарастырды. Жиынға Ұлттық банк төрағасы Тимур Сүлейменов, Президент кеңесшісі Әсет Ерғалиев және басқа да лауазымды тұлғалар қатысты, деп хабарлайды Zhaiyqmedia.kz ақпарат агенттігі.
Тараптар Қазақстан экономикасына шетелдік капиталды тартудың басым бағыттарын талқылады. Дүниежүзілік банк өкілдері еліміздегі реформаларды қолдап, жаңа жобаларға қолдау көрсетуге дайын екенін жеткізді.
Кездесуде инфрақұрылымды дамыту, цифрландыру және жасыл экономика салаларындағы ынтымақтастыққа ерекше мән берілді. Сарапшылар Қазақстанның инвестициялық ахуалын жақсарту үшін нақты ұсыныстарын ортаға салды.
