Қаланың инфрақұрылымдық жүрегі – жылу жүйесі. Әкім Мұрат Байменовтың айтуынша, соңғы жылдары бұл салада ауқымды жаңғырту жұмыстары жүргізілген. Өткен жылы ғана 1,3 млрд теңгеге магистралдық желі қайта жаңартылып, нәтижесінде 63 көпқабатты тұрғын үй мен 12 әлеуметтік нысанға жылу тұрақты беріліп тұр.
Биыл бұл бағыттағы жұмыстар бұрынғыдан да кеңейді: құны 9,9 млрд теңге болатын жаңа реконструкция жобасы жүзеге асып, тағы 75 үй мен 7 әлеуметтік нысан сапалы жылумен қамтылды.
Ең қызығы — алдағы екі жылда қала жылу жүйесінің жартысы түгел жаңарады. Бұл мақсатқа 8,1 млрд теңге қарастырылған. Демек, Оралда енді «қыс қатты болса да, пәтер суық» деген шағым азаймақ.
Қаланың тынысы тек жылыту маусымымен емес, осындай жүйелі инфрақұрылымдық жобалармен өлшенеді — ал жылу желілерін жаңарту соның ең айқын дәлелі.
