Сурет: ҚР Мемлекеттік күзет қызметі
Бүгін Айрықша мақсаттағы күштердің әскери бөлімдерінде көктемгі шақырылым бойынша мерзімді әскери қызметке алынған сарбаздар салтанатты түрде Әскери ант қабылдады, деп хабарлайды Zhaiyqmedia.kz ақпарат агенттігі.
Жаңа толқын сарбаздар еліміздің қауіпсіздігін қамтамасыз ету үшін Отан алдындағы борышын өтеуге дайын екендерін білдірді. Ант қабылдау рәсімі әскери дәстүр бойынша өтті.
«Біз мақтан тұтамыз! Әрбір сарбаз – ел қорғаны. Олардың анты – Отанға деген адалдықтың белгісі», – деді Мемлекеттік күзет қызметінің өкілі.
Мемлекеттік күзет қызметі жаңа сарбаздардың әскери дайындығына ерекше көңіл бөліп, олардың біліктілігін арттыру бойынша жұмыстар жүргізеді.
