Сурет: Қазақстан дзюдо федерациясы
Чехия астанасы Прагада өткен дзюдодан ерлер мен әйелдер арасындағы Еуропа кубогында Қазақстан қоржынына алтын және күміс медаль түсті, деп хабарлайды Zhaiyqmedia.kz ақпарат агенттігі.
Екі жүлде де 100 келіден жоғары салмақ дәрежесінде иеленді. Финалда қазақстандық екі балуан өзара күш сынасты. Ғалымжан Қырықбай жеңіске жетіп, алтын медаль алса, Жантілек Нұртілекұлы күміс жүлдеге ие болды.
Бұған дейін 60 келі салмақта Шерзод Давлатов финалда Франция өкілі Ян Мотоли Бонгамбені жеңіп, алтыннан алқа тақты. Ал 66 келіде Нұрәділ Әлжан қола жүлде еншіледі.
Додаға 38 елден 412 татами шеберлері қатысып жатыр. Жарыс 28 маусымға дейін жалғасады.
