Сурет: Egemen Qazaqstan
Қазақстанның көлік министрлігі ұшу географиясын кеңейту және қолданыстағы бағыттар бойынша рейстер санын арттыру жұмысын тұрақты түрде жүргізіп келеді, деп хабарлайды Zhaiyqmedia.kz ақпарат агенттігі.
16 маусымнан бастап AZAL әуе компаниясы Шымкент – Баку бағыты бойынша аптасына 3 рет жаңа тұрақты рейстерді бастады. Осының арқасында Қазақстан мен Әзербайжан арасындағы рейстер саны аптасына 30-дан 33-ке дейін өсті.
Сонымен қатар, әуе компаниясы Ақтөбе – Баку бағыты бойынша аптасына 3 рет және Атырау – Баку бағыты бойынша аптасына 4 рет тұрақты рейстерді орындауды жоспарлап отыр. Жаңа бағыттардың ашылуы Қазақстан мен Әзербайжан арасындағы сауда-экономикалық, іскерлік және туристік ынтымақтастықтың одан әрі дамуына ықпал етеді.
