Сурет: Egemen Qazaqstan
Қазақстан ұлттық құрамасы бокстан Әлем кубогының екінші кезеңінде жалпы командалық есепте үшінші орынды иеленді, деп хабарлайды Zhaiyqmedia.kz ақпарат агенттігі.
15-21 маусым аралығында Қытайдың Гуйян қаласында өткен додаға 44 елден 300 боксшы қатысты. Қазақстаннан 17 спортшы жүлдеге таласып, бес алтын және үш қола медаль жеңіп алды.
Жарыс жеңімпаздары: Санжар Тәшкенбай (50 келі), Абылайхан Жүсіпов (70 келі), Айбек Оралбай (+90 келі), Назым Қызайбай (54 келі) және Виктория Графеева (60 келі). Қола медальді Аида Әбікеева (65 келі), Валерия Аксенова (80 келі) және Дина Исламбекова (+80 келі) қанжығалады.
Командалық есепте бірінші орынды Қытай (5 алтын, 1 күміс, 3 қола), екінші орынды Қазақстан (5 алтын, 3 қола), үшінші орынды Өзбекстан (4 алтын, 3 күміс, 4 қола) иеленді.
