Сурет: Ақорда
Мемлекет басшысы Қасым-Жомарт Тоқаев елорда әкімі Жеңіс Қасымбекті қабылдады. Кездесуде Астананың әлеуметтік-экономикалық және инфрақұрылымдық дамуы талқыланды, деп хабарлайды Zhaiyqmedia.kz ақпарат агенттігі.
Президентке қаланың биылғы даму қорытындылары мен алдағы жоспарлар баяндалды. Әкім жаңа тұрғын үйлер, жолдар және әлеуметтік нысандар салынатынын айтты.
«Біз инфрақұрылымды жаңғыртуға басымдық береміз. Биыл 10 мектеп пен 5 емхананың құрылысын бастаймыз», – деді Жеңіс Қасымбек.
Сондай-ақ, қалада кәсіпкерлікті қолдау және жұмыс орындарын ашу бағытындағы шаралар да сөз болды. Президент жобалардың уақытылы орындалуын қадағалауды тапсырды.
