АҚШ президенті Дональд Трамп Иранға қатаң талап қойды. Ол Тегеранның жеңілгенін мойындап, қарусыздануын талап етті. Әйтпесе, жақын күндері соғыс қимылын бастайтынын ескертті.
Трамп бұл мәлімдемені өзінің Truth Social әлеуметтік желісінде жариялады. Онда ол Иран армиясы қаруын тастап, Тегераннан кетуі керек деп мәлімдеді. Сондай-ақ ел билігі жеңілгендігін құжаттап тізе бүгуге тиіс, деп хабарлайды Zhaiyqmedia.kz ақпарат агенттігі.
«Егер Иран берілгендігін мойындамаса, біз жақын күндері соғыс қимылын жүргіземіз», — деді АҚШ президенті.
Бұл — Трамптың Иранға қатысты ең қатаң мәлімдемелерінің бірі. АҚШ әкімшілігі бұған дейін де Тегеранды ядролық бағдарламасын тоқтатуға шақырған еді. Алайда қазіргі ультиматум әскери күш қолдану қаупін тікелей көрсетіп тұр.
Иран тарапы әзірге ресми түрде жауап берген жоқ. Сарапшылар бұл жағдай Таяу Шығыстағы жаңа қақтығысқа алып келуі мүмкін деп ескертеді.
