Сурет: kazhydromet.kz
Синоптиктер 20-21 маусымға арналған ауа райы болжамын жариялады. Демалыс күндері ауа райының өзгеруі атмосфералық фронттардың өтуіне байланысты болады, деп хабарлайды Zhaiyqmedia.kz ақпарат агенттігі.
Еліміздің басым бөлігінде қысқа мерзімді жаңбыр жауып, найзағай ойнайды. Жел күшейіп, екпіні артады. Кей жерлерде бұршақ жаууы мүмкін. Батыста қатты жаңбыр күтіледі.
Бүгін бірқатар өңірде аптап ыстық болады. Ауа температурасы 30-38 градусқа дейін көтеріледі. Солтүстік-батыс пен орталықта ыстық күшейіп, ауа 40-41 градусқа дейін жетеді. Батыс өңірлерде температура 22-33 градус шамасында болады.
