Қазақстан АҚШ президенті Дональд Трамптың бастамасымен құрылған Бейбітшілік кеңесіне мүше болды. Ақорда еліміздің бұл ұйымға қосылуы үшін ешқандай қаржылық жарна төлемегенін мәлімдеді, деп хабарлайды Zhaiyqmedia ақпарат агенттігі.
Президент әкімшілігінің баспасөз қызметі бұл кеңеске мүше болу үшін тек мемлекеттің егеменді шешімі жеткілікті екенін атап өтті. Кеңеске мүшелік мерзімі – үш жыл.
«Жарғыда аталған 1 миллиард АҚШ доллары көлеміндегі ерікті жарна мүшелік шарты болып саналмайды. Бұл – әрбір қатысушының өз құқығы», – делінген Ақорда хабарламасында.
Сонымен қатар, егер мемлекет алғашқы жыл ішінде 1 миллиард доллар жарна аударса, кеңестегі мүшелік мерзімін белгіленген үш жылдан асырып ұзартуға мүмкіндік алатыны түсіндірілді.
Фото: Әлеуметтік желіден
