Ұлттық экономика министрлігінің мәліметінше, «Дипломмен ауылға» бағдарламасына қатысушылар саны күрт төмендеген. Бұл әсіресе ауылдық жерлерде дәрігер мен мұғалім тапшылығын ушықтырып отыр, деп хабарлайды Zhaiyqmedia.kz ақпарат агенттігі.
Бағдарлама бойынша ауылға жұмыс істеуге баратын мамандарға мемлекет көтерме жәрдемақы төлейді. Дегенмен соңғы жылдары қатысушылар саны азайған. Министрлік мұны ауылдардағы тұрмыс жағдайының төмендігімен және жұмыс орнының жеткіліксіздігімен байланыстырады.
«Бағдарлама аясында 2023 жылы 1 500 адам ғана қатысты, бұл 2022 жылмен салыстырғанда 20 пайызға аз», — деді министрлік өкілі.
Ауылдық жерлерде дәрігер мен мұғалім тапшылығы өткір мәселеге айналған. Әсіресе Батыс Қазақстан облысында бұл проблема байқалады. Жергілікті билік жағдайды жақсарту үшін қосымша шаралар қабылдауда.
