Сурет: istockphoto.com
Малайзия билігі 16 жасқа толмаған балаларға әлеуметтік желілерде аккаунт ашуға тыйым салды. Жаңа ереже елдің Байланыс және мультимедиа министрлігінің бастамасымен қабылданды, деп хабарлайды Zhaiyqmedia.kz ақпарат агенттігі.
Министрлік өкілдерінің айтуынша, бұл шара балаларды кибербуллинг пен зиянды контенттен қорғау үшін қажет. Желідегі жасөспірімдер арасындағы қауіпті трендтер мен жат ағымдардың таралуы ата-аналарды алаңдатып отыр.
«Біз балалардың цифрлық кеңістіктегі қауіпсіздігін бірінші орынға қоямыз. Жаңа талаптар ата-аналарға бақылауды күшейтуге көмектеседі», — деді министрлік өкілі.
Енді 16 жасқа толмаған балалар әлеуметтік желілерде аккаунт ашу үшін ата-анасының келісімін алуы керек. Сонымен қатар, платформалар жас шектеуін тексеру механизмдерін енгізуге міндеттеледі.
Малайзия бұл бағытта алғашқылардың бірі болып отыр. Елде бұған дейін де интернеттегі балалар қауіпсіздігіне қатысты бірқатар заң қабылданған еді.
