Сурет: Jas Qazaq
Көкшетауда «Aqmola Urban Forum» аумақтарды реновациялау және кешенді дамыту жөніндегі республикалық форумы өтті, деп хабарлайды Zhaiyqmedia.kz ақпарат агенттігі.
Форумға мемлекеттік органдар, жергілікті әкімдік өкілдері, сәулетшілер мен құрылыс саласының мамандары қатысты. Жиында ескі тұрғын үйлерді жаңарту, әлеуметтік нысандар салу және қала инфрақұрылымын дамыту мәселелері талқыланды.
Мемлекет басшысы Қасым-Жомарт Тоқаев Ақмола облысының әкімімен кездесуде кезекте тұрған азаматтар мен әлеуметтік осал топтарды сапалы тұрғын үймен қамтамасыз ету қажеттігін атап өтті. Бұл – басты басымдықтардың бірі, – деді форумда сөйлеген сөзінде облыс әкімі.
Форум аясында қаланы реновациялаудың озық тәжірибелері таныстырылып, инвестициялық жобалар ұсынылды. Қатысушылар тұрғын үй құрылысын жеделдету және сапаны арттыру бойынша нақты ұсыныстар әзірледі.
