Допинг дауына іліккен боксшы Жәнібек Әлімханұлының ісіне қатысты қосымша сараптама тағайындалды, деп хабарлайды Zhaiyqmedia ақпарат агенттігі.
Бұл ақпаратты Қазақстанның кәсіпқой бокс федерациясының президенті Рахымжан Ерденбеков растады. Оның айтуынша, іс бойынша өткен алғашқы тыңдау тек алдын ала танысу сипатында болған.
«Бірінші тыңдауда іс материалдары мен рәсімдер тексерілді, бірақ түпкілікті қорытынды жасалған жоқ. Бұл мәселе бойынша жеке медициналық және құқықтық бағалау жүргізу қажет», – деді федерация басшысы.
Осыған байланысты істі қайта қарау отырысы 23 қаңтарға белгіленді.
Федерация өкілдері допинг-сынамадан оң нәтиже шығуы спортшының қасақана әрекет еткенін бірден дәлелдемейтінін атап өтті. Соңғы шешім барлық тексеріс жұмыстары толық аяқталғаннан кейін ғана қабылданады.
Фото: Әлеуметтік желіден
