Алтын Орданың тарихы – әлемдік ғылымдағы ең маңызды тақырыптардың бірі. Бұл туралы Президент Қасым-Жомарт Тоқаев халықаралық конференцияда мәлімдеді, деп хабарлайды Zhaiyqmedia.kz ақпарат агенттігі.
Мемлекет басшысының айтуынша, Алтын Орда мұрасы көптеген іргелі зерттеулерге негіз болған. Бүгінде бұл тақырып әлем ғалымдарының назарында.
«Алтын Орда тарихы – біздің ортақ мұрамыз. Оны зерттеу – тарихи әділеттілікті қалпына келтірудің маңызды қадамы», – деді Президент.
Конференцияға әлемнің 20-дан астам елінен делегация қатысты. Олар Алтын Орданың саяси, экономикалық және мәдени рөлін талқылады.
Жиын барысында тарихшылар ортағасырлық мемлекеттің қазіргі Қазақстанмен байланысына ерекше тоқталды. Алтын Орданың мұрагері ретінде қазақ хандығының дамуына тигізген ықпалы айтылды.
