Сурет: Egemen Qazaqstan
Қазақстанның стенд атудан жасөспірімдер командасы ISSF әлем чемпионатында тарихи жетістікке қол жеткізді. Қыздар арасындағы «Трап» жаттығуында олар командалық есепте 337 нысананы дәл көздеп, алтын медаль жеңіп алды, деп хабарлайды Zhaiyqmedia.kz ақпарат агенттігі.
16-26 маусым аралығында Германияның Зуль қаласында өтіп жатқан жарыста қазақстандық спортшылар үздік нәтиже көрсетті. Чемпиондар құрамына Элеонора Ибрагимова, Мария Горун және Милана Папчихина кірді.
Әлем біріншілігіне 63 елден 778 спортшы қатысуда. Қазақстан намысын 13 мерген қорғап, жекелей және командалық сында бақ сынауда.
Бұл алтын медаль Қазақстанның стенд атудан жасөспірімдер арасындағы әлем чемпионаттарындағы алғашқы жеңісі. Жетістік отандық спорттың даму деңгейі мен халықаралық аренадағы бәсекеге қабілеттілігін дәлелдеді.
