Сурет:БҚО Әкімдігі
БҚО-да құны 4,4 трлн теңгені құрайтын 73 инвестициялық жоба жүзеге асырылады,деп жазады Жайықмедиа.кз.
Батыс Қазақстан облысында алдағы бес жылда жалпы құны 4,4 трлн теңгені құрайтын 73 ірі инвестициялық жоба іске қосылады. Бұл туралы облыс әкімі Нариман Төреғалиев Орталық коммуникациялар қызметіндегі баспасөз конференциясында мәлімдеді.
Әкімнің айтуынша, өңір экономикасы негізінен мұнай-газ, өңдеу өнеркәсібі, машина жасау, құрылыс индустриясы және агроөнеркәсіп кешені сияқты стратегиялық салаларға сүйенеді. Бұл бағыттарда 30 мыңнан астам тұрғын еңбек етіп, өңір кәсіпорындары ішкі нарықты ғана емес, сыртқы нарықты да сапалы өніммен қамтамасыз етіп келеді.
Жыл басынан бері облысқа 567 млрд теңге инвестиция тартылған. Оның 80 пайызы – жеке сектордың үлесі (453 млрд теңге). Жоспарланған 73 жоба аясында 10 мыңнан аса жаңа жұмыс орны ашылады деп күтіледі.
