Астана әкімдігі LRT жолақысын көтеру жоспарда жоқ екенін мәлімдеді. Қазіргі тариф – 200 теңге өзгеріссіз қалады, деп хабарлайды Zhaiyqmedia.kz ақпарат агенттігі.
Қала әкімінің орынбасары Ерсін Өтебаевтың айтуынша, бағаны көтеру мәселесі қарастырылып жатқан жоқ. Ол бұл туралы БАҚ өкілдерінің сұрағына жауап беру барысында айтты.
«Қазіргі кезде 200 теңге – бекітілген тариф. Оны өзгерту жоспарымызда жоқ», – деді Өтебаев.
Еске сала кетейік, LRT жобасы Астанадағы көлік мәселесін шешу үшін іске қосылған болатын. Жолаушылар тарифтің тұрақтылығын құптап отыр.
