Энергетика министрі Ерлан Ақкенженов Дүниежүзілік банк тобының инфрақұрылым жөніндегі вице-президенті Валери Левковамен кездесіп, Орталық Азияда өңірлік электр энергиясы нарығын құру мәселесін талқылады, деп хабарлайды Zhaiyqmedia.kz ақпарат агенттігі.
Тараптар энергия тасымалдау желілерін жаңғырту және жаңа жобаларды іске қосу арқылы аймақтағы энергия тапшылығын азайту жолдарын қарастырды.
«Біз Орталық Азиядағы электр энергиясы нарығын дамыту үшін бірлескен жұмыс істеуге дайынбыз. Бұл өңірдегі энергетикалық қауіпсіздікті нығайтуға септеседі», — деді Ерлан Ақкенженов.
Дүниежүзілік банк өкілі Валери Левкова Қазақстанның бастамасын қолдап, инфрақұрылымдық жобаларды қаржыландыру мүмкіндіктерін қарастыратынын жеткізді.
