Сурет: Conmebol
1998 жылы Франция құрамасымен әлем чемпионы атанған Кристоф Дюгарри жақында басталған әлем чемпионатына қатысты сын айтты, деп хабарлайды Zhaiyqmedia.kz ақпарат агенттігі.
Ол сондай-ақ сомалилік төрешіге қатысты даулы жағдайға пікір білдірді. Дюгарридің айтуынша, төрешіні тек сомалилік болғаны үшін шеттетуде нәсілшілдіктің айқын белгісі бар. Ол футболдың халықтық спорт екенін, ал билет бағаларының шектен тыс қымбат екенін атап өтті.
«Менің сүйікті спортымның қандай күйге түскені үшін қатты ұяламын. 10 жасымнан бастап әр төрт жыл сайын әлем чемпионатын асыға күтетінмін. Ал қазір кейбір елдерге басқаша көзқарас танытылатын нәсілшілдіктің шырайын байқап отырмын», — деп келтіреді оның сөзін RMC Sport басылымы.
Әлем чемпионы бұл жағдайлардың өзіне жайсыздық тудыратынын айтты. Ол әзірге чемпионатты масқара деп атағысы келмейтінін, бірақ бұрынғы жиіркенішті жағдайлардың қайталанбауына үміттенетінін жеткізді.
Бұған дейін АҚШ Мемлекеттік департаментінің өкілдері төрешінің террористік ұйымдармен болжамды байланысына байланысты АҚШ аумағына кіруге рұқсат берілмейтінін мәлімдеген. Омар Абдулкадир Артан әлем чемпионатының финалдық кезеңіне қызмет көрсететін алғашқы сомалилік төреші болды. 2025 жылы ол Африка футбол конфедерациясы нұсқасы бойынша құрлықтың үздік төрешісі атанды. Сомали АҚШ визасын алуға қатысты шектеулер қолданылатын елдердің қатарына кіреді, бірақ дипломаттар мен АҚШ мүдделеріне сай келетін сапарлар үшін ерекше жағдайлар қарастырылған.
