Кендірлідегі жаңа әуежайдың құрылысы 2027 жылы аяқталады. Бұл туралы Көлік министрі Нұрлан Сауранбаев ресми түрде мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, қазіргі уақытта жобаның техникалық-экономикалық негіздемесі әзірленіп жатыр. Құрылыс жұмыстары алдағы жылдары басталады деп күтілуде.
«Жаңа әуежай аймақтың туристік әлеуетін арттырып, халықтың қозғалысын жеңілдетеді. Біз жобаны уақытылы іске қосу үшін барлық қажетті шараларды қабылдап жатырмыз», — деді Нұрлан Сауранбаев.
Кендірлі — Каспий теңізінің жағасында орналасқан демалыс аймағы. Жаңа әуежайдың ашылуы осы өңірге келетін туристер санын едәуір көбейтеді деген болжам бар.
