Ішкі істер министрлігі кішкентай балалардың қауіпсіздігіне қатысты маңызды ескерту жасады. Ведомство ата-аналарды балаларын бір сәтке де қараусыз қалдырмауға шақырды.
Министрліктің мәліметінше, балалар өте белсенді және олардың әрбір қадамын бақылау қажет. Әсіресе үйде, көшеде және ойын алаңдарында қауіпсіздік шараларын сақтау маңызды.
«Кішкентай балалардың қауіпті жағдайларға тап болу қаупі жоғары. Сондықтан оларды ересектердің қарауынсыз қалдыруға болмайды», – делінген ІІМ хабарламасында.
ІІМ ата-аналарға балалардың қауіпсіздігіне ерекше көңіл бөлуді, оларды жолдан алыс ұстауды және үйдегі қауіпті заттарды қолжетімсіз жерде сақтауды ұсынады.
