2026 жылғы 1 шілдеден бастап Қазақстанда ипотека беру тәртібі күрт өзгереді. Енді кейбір санаттағы азаматтарға ипотекалық несие берілмейді, деп хабарлайды Zhaiyqmedia.kz ақпарат агенттігі.
Жаңа ереже бойынша, екінші немесе одан көп ипотекасы бар азаматтарға несие рәсімдеуге тыйым салынады. Бұл шара – халықтың қарыз жүктемесін азайту мақсатында қабылданып отыр.
«Біз азаматтардың төлем қабілетін ескере отырып, ипотекалық несиелеу жүйесін жетілдіруді жоспарлап отырмыз. Жаңа талаптар алаяқтықтың алдын алып, нарықты тұрақтандырады», – деді Қаржы нарығын реттеу агенттігінің өкілі.
Сондай-ақ, алғашқы жарнасы 20 пайыздан төмен болған жағдайда да ипотека берілмейді. Бұл – банктердің тәуекелін азайту үшін жасалып отырған қадам.
Жаңа өзгерістер тек 2026 жылдың ортасынан бастап күшіне енеді. Осы уақытқа дейін үміткерлер қазіргі талаптар бойынша ипотека рәсімдей алады.
