Сурет: Egemen Qazaqstan
Қазақстанда ілбістердің саны соңғы жиырма жылда екі есеге жуық өсті. Бұл туралы Экология және табиғи ресурстар министрлігі хабарлады, деп хабарлайды Zhaiyqmedia.kz ақпарат агенттігі.
Министрлік мамандарының айтуынша, бүгінде ел аумағында 130-дан астам ілбіс тіркелген. Бұл көрсеткіш 2000-жылдармен салыстырғанда екі есеге өскен.
«Ілбістердің санын арттыруда қорықтар мен ұлттық парктердің жұмысы маңызды рөл атқарды. Браконьерлікке қарсы күрес күшейтіліп, жануарлардың табиғи мекендейтін жерлері қорғалды», – деді министрлік өкілі.
Қазақстанда ілбіс негізінен Алматы, Шығыс Қазақстан және Жетісу облыстарының таулы аймақтарында кездеседі. Бұл жануар Халықаралық табиғат қорғау одағының Қызыл кітабына енгізілген.
Экологтар ілбістердің санын одан әрі арттыру үшін қорықтарды кеңейту және жергілікті тұрғындарды экологиялық тәрбиелеу қажет екенін айтады.
