Алматыдағы Ганди саябағында болған оқиға тұрғындарды дүр сілкіндірді. Пиротехникалық қорап аударылып, отшашу снарядтары адамдарға қарай ұшқан. Қазір полиция кінәлілерді іздеп жатыр, деп хабарлайды Zhaiyqmedia.kz ақпарат агенттігі.
Куәгерлердің сөзінше, отшашу кезінде қораптың аударылуы салдарынан снарядтар жиналған жұртқа қарай бағытталған. Оқиға орнында тәртіп сақшылары тексеру жүргізіп, пиротехниканы заңсыз қолданған адамдарды анықтауға кіріскен.
«Біз оқиғаның мән-жайын анықтап жатырмыз. Қазіргі уақытта куәгерлерден жауап алынып, бейнежазбалар зерделенуде», — деді Алматы полиция департаментінің өкілі.
Әзірге зардап шеккендер туралы ресми ақпарат жоқ. Полиция азаматтарды сақтық шараларын сақтауға және пиротехниканы рұқсатсыз қолданбауға шақырды.
